En amhárico distínguense dous tipos de preguntas. Ás que se responde 'si' ou 'non', e as que preguntan por información máis específica.
Preguntas simples
Este tipo de pregunta faise normalmente mediante a entoación típica dunha pregunta, é decir alzando o tono da voz ao final da oración. Ademáis, non se modifica a orde de palabras:
- ተማሪ ነው tämari näw 'é estudiante'
- ተማሪ ነው? tämari näw? 'é estudiante?'
Outro procedemento é engadindo ወይ wäy despois do verbo, ao final, maila entoación de pregunta.
- ፕሩ ነው ወይ? t'ïru näw wäy? 'é bo?'
O último procedemento ten pouco emprego en amhárico falado. Consiste en engadir o sufixo -ን -nï ao final do verbo.
Preguntas específicas
Estas preguntas son as relacionadas con 'como' 'onde' 'que', etc. Estas partículas normalmente van antes do verbo. Véxase o seguinte exemplo con ማን man 'quen':
- ያ ሰው ማን ነው? ya säw man näw? 'quen é ese home?'
As palabras interrogativas pódense combinar co verbo ነው näw formando unha soa palabra:
- ማነው? mannäw? 'quen é?'
Na seguinte táboa están recollidas as palabras interrogativas no amhárico máis un exemplo de cada unha delas:
ማን | man | 'quen' | ማን አጠና? man a-t'änna? 'quen estudia?' |
ምን | mïn | 'que' | እሳቸው ምን ያስተምራሉ? ïssaččäw mïn yastämïrallu? 'que asinatura ensina?' |
ዬት/የት | yet/yät | 'onde' | ትምህርት ቤቱ ነው? tïmhïrtï betu yet näw? 'onde está a escola?' |
መቼ | mäče | 'cando' | መቼ ትመጣለህ? mäče tïmät'alläh? 'cando virás?' |
ለምን/ስለምን | lämïn/sïlämïn | 'por que' | አስተማሪው ተማሪውን ለምን ወቀሰው? astämari-w tämari-wïn lämïn wäqqäsä-w? 'por que o profesor reprendeu o estudiante?' |
እንደምን/እንዴት | ïndämïn/ïndet | 'como' | እንደምን አደርክ? ïndämïn addärk? 'como pasache-la noite?' |
ስንት | sïnt | 'canto' | ዋጋው ስንት ነው? wagaw sïntï näw? 'canto é? (prezo)' |