Vogais
O sistema vogálico do guaraní está composto por seis vogais orais e seis vogais nasais.
VOGAIS ORAIS:
Anterior | Central | Posterior | |
Pechada | /i/ | /ɨ/* | /u/ |
Media | /e/ | /o/ | |
Aberta | /a/ |
VOGAIS NASAIS:
Anterior | Central | Posterior | |
Pechada | /ĩ/ | /nɨ/ | /ũ/ |
Media | /ẽ/ | /õ/ | |
Aberta | /ã/ |
Consoantes
O sistema consonántico tamén diferencia sonidos orais de nasais. Dentro deste paradigma inclúese o puso ('), marca que ten carácter fonemático.
Bilabial | Labiodental | Dental | Alveolar | Postalveolar | Palatal | Velar | Glotal | |
Oclusiva | p | t | k | ʔ | ||||
Fricativa | v | s | ∫ | ɣ | h | |||
Africada | ʤ | |||||||
Nasalizada oclusiva | mb | nt nd | ŋ | |||||
Nasalizada fricativa | nɣ | |||||||
Nasal | m | n | ɲ | |||||
Vibrante múltiple | r | |||||||
Vibrante simple | ɹ | |||||||
Lateral | l |
Ortografía
As grafías máis características do guaraní teñen a seguinte representación fonética:
- ch [ʃ] equivale á realización do ch francés ou do sh inglés.
- g [Ɣ] é fricativo.
- ng [nɣ] articúlase como o g, pero nasalizado.
- h [h] é unha consoante glotal aspirada similar ao h do inglés.
- j [dʒ] realízase como o j do inglés.
- mb [mb] oclusivo nasalizado.
- nd [nd] oclusivo nasalizado.
- nt [nt] oclusivo nasalizado.
- ng [ŋ] oclusivo nasalizado.
- rr [r] vibrante múltiple, reservada para as onomatopeias.
- r [ɹ] vibrante simple.
- v [v] labiodental.
- y [ɨ] vogal gutural alta, central e non redondeada.
- (') [ʔ] glotal intervocálica que supón a interrupción do son.
Os dous sistemas gráficos
A lingua guaraní dispón de dous sistemas de representación:
- O sistema "tradicional": recomendado pola sociedade literaria "Cultura guaraní". Debido á utilización deste sistema pola maioría dos escritores, considérase unha representación gráfica prestixiosa. Baséase na grafía do español.
- O sistema "científico": foi proposto por lingüistas para facilitar a ensinanza e aprendizaxe. Baséase no alfabeto aprobado no Primer Congreso sobre Lengua Guaraní-Tupí (Montevideo, 1950). Este alfabeto é o que se emprega oficialmente na ensinanza en Paraguay.
Vogais | Consonantes | |
Alfabeto "tradicional" | /a, e, i, o, u, y; ã, ẽ, ĩ, õ, ũ, ny / | /mb, c, ch, nd, g, h, k, l, m, n, ñ, p, r, s, t, v, y/ |
Alfabeto "científico" | /a, e, i, o, u, y; ã, ẽ, ĩ, õ, ũ, ny / | /ch, g, ng, h, j, k, l, m, mb, n, nd, ng, nt, ñ, p, r, rr, s, v, (')/ |
As principais diferencias entre os dous alfabetos poden verse no seguinte cadro:
Alfabeto "tradicional" | Alfabeto "científico" | |
ni; | Y | |
ca, co, cu | K | |
que, qui ~ ke, ki | K | |
h ~ (') | (') | |
jh ~ h | h | |
b ~ v | v | |
y | j | |
ng | ng ~ ng |
Rasgos suprasegmentais
O guaraní ten acento tónico e tonal. A maioría das palabras son agudas e non levan acento gráfico. O acento gráfico inclúese nos seguintes casos:
- Cando a palabra non é aguda.
- Cando unha palabra deixa de ser aguda por adición de sufixos.
Se o acento tónico recae sobre unha vogal nasal, sustitúese pola tilde nasal.
As raíces guaraníes son sempre tónicas; sen embargo, os sufixos flexivos e as postposicións monosilábicas non o son.
A estrutura silábica do guaraní é aberta (C)V(V).