⚠ (:searchbox label=Ir value=Buscar focus=true:)

Os clasificadores acompañan aos nomes contables e adscríbenos a unha clase particular. Sempre van antepostos a el. Sempre van precedidos dun numeral (tamén numerais indefinidos como beberapa (varios) ou interrogativo numeral berapa (canto?): beberapa buah buku= varios libros). Hai que resaltar que o uso do clasificadore é opcional e con moitos nomes case non se usa.

Existen moitos clasificadores, aínda que os máis utilizados son só tres: orang, usado cos nomes de persoas, ekor, usado cos nomes de animais, e buah, usado cos nomes de cousas.

• É moito máis probable que os clasificadores aparezan con se- (que é o numeral 'un' se pero traduce como artigo indefinido) que con outros números. Se o clasificador está ausente se- non pode aparecer.

Dia seorang guru/Dia guru. = El (é) profesor.

• Co clasificador o nome sempre é indefinido. Un demostrativo ou posesivo non poden aparecer cun clasificador.

• A diferenza doutros clasificadores orang pode aparecer sen acompañar a un nome:

Se neste caso desaparecese se- (que así acontece en moitas ocasións), orang debe ser considerado como un nome, que neste caso, significaría 'persoa'. Algunhas veces o clasificador orang e o nome orang poden aparecer xuntos, pero hai tendencia a evitar esta construción:

• Outros clasificadores son:

batang, bentuk, biji úsanse con distintos tipos de obxectos, bilah é usado con cousas punzantes, kuntum úsase coas flores.

Existen algúns máis como lembar, patah ou putuk referidos a cousas de papel, como fotografías ou cartas.

Con xeneralidade, utilízase un clasificador comodín para todas estas distincións: ese é o clasificador buah. Ademais, este tipo de clasificadores poden omitirse (indícanse por parénteses nos seguintes exemplos):