Cardinais
Os numerais do maori do 1 ao 10 son: tahi, rua, toru, whā, rima, ono, whitu, waru, iwa e tekau. A partir destes numerais podemos formar os que van do 11 ao 19, seguindo este patrón tekau mā + 1-9, exemplos: tekau mā toru 'trece', tekau mā whitu 'dezasete'. Para os múltiplos de 10 temos a fómula e + 2-9 + tekau, exemplos: e rua tekau 'vinte', e rima tekau 'cincuenta'. Os numerais do 21 ao 99 seguen o patrón e + 2-9 + tekau mā + 1-9, exemplos: e ono tekau mā toru '63', e waru tekau mā iwa '89'. O 100 dise kotahi rau, 101 kotahi rau mā tahi, 121 kotahi rau e rua tekau mā tahi.
Os numerais, xunto con particulas de tempo e aspecto, forman predicados.
Exemplos:
Ngā | whare | e | rua | |
---|---|---|---|---|
DEF.PL | casa | NONPAS | 2 | |
'As dúas casas', lit. 'as casas que son dúas' |
E | rua | Ø-ō-ku | whare |
---|---|---|---|
NONPAS | 2 | PL+de+1SG | casa |
'Teño dúas casas', lit. 'as miñas casas son dúas' |
Ordinais
Os números ordinais do 1 ao 9 fórmanse ao prefixárenlles tua- aos cardinais. A palabra resultante pode ter a función de modificador nunha frase nominal (te rā tuatahi 'o primeiro día') ou de núcleo dunha frase nominal nunha construción como:
Te | tua-tahi | o | ngā | N |
---|---|---|---|---|
DEF.SG | ORDI-1 | de | DEF.PL | N |
'O primeiro N' |
Os ordinais a partir do 9 non levan prefixo, úsase o correspondente cardinal na construción anterior.
Exemplo:
Te | tekau-mā-rua | o | ngā | rā | o | Hakihea |
---|---|---|---|---|---|---|
DEF.SG | 12 | de | DEF.PL | día | de | decembro |
'O duodécimo día de decembro', 'o 12 de decembro' |